«Գոլոս Արմենիի» թերթի մարզական մեկնաբան։ Ծնվել է 1976 թվականի հոկտեմբերի 11-ին Ադր.ԽՍՀ Բաքու քաղաքում։ 1988 թվականին ընտանիքով տեղափոխվել է Երևան, որտեղ 1993 թվականին ավարտել է Ա.Ս.Պուշկինի անվան թիվ 8 դպրոցը։ Ֆիզիկական կուլտուրայի հայկական պետական ինստիտուտի շախմատային բաժնի շրջանավարտ է։ Սպորտի վարպետության թեկնածու է շախմատի գծով։

2005 թվականի փետրվարից աշխատում է որպես «ԳԱ»-ի մարզական մեկնաբան։ Տպագրվում է նաև «ԱիՖ-Երևան» շաբաթաթերթում և «ԳԱ»-ի «Մոստ» գիտահանրամատչելի հավելվածում։ Ամուսնացած է։ Սիրելի մարզաձևերն են շախմատը, ֆուտբոլը, բասկետբոլը։